Amalurra

2016(e)ko azaroaren 23(a), asteazkena

10. Astea Zuhaitzen Behaketa!

Konturatu gabe, 10. astean gaude! Aste honetako eguraldia hobetzen joaten da eta aprobetxatu dugu argazki politak ateratzeko eta, zikindu gabe! Honekin lotuta, tenperatura atsegina denez, gustura dago arboretuan.

10. astea (Urkia)
Zuhaitza: Nahiz eta negua 3 aste barru hasi momentuz tenperaturak ez dira asko jaitsi. Ondorioz, hostoz beteta dago urkia, eguzkia aprobetxatzeko..
Hostoak: Hosto gehienak berdeak izaten jarraitzen dira, baina pixkanaka kolorea galtzen jarraitzen dute, batzuk horiak dira, baina hosto kopurua ez da nabarmen moduan gutxitu.
Enborra: astiro- astiro azala galtzen doala ikus dezakegu.
Adarrak: enborrean bezala azala galtzen jarraitzen du gure zuhaitzak.

10.astea (Itsas Pinua)

Zuhaitza: Pasaden astearekin konparatuz, ez du aldaketa nabarmenik jasan.
Hostoak: Hosto asko marroiak dira, batez ere beheko adarretan, batzuk jaitsi dira eta lurrean nabaritzen da. Goiko adarretan ez dago aldaketarik.
Enborra: Oso lodia eta ximurrez beteta dago.
Adarrak: Ez dago aldaketarik

2016(e)ko azaroaren 21(a), astelehena

Hostoak erortzen dira

Begira nola aurkitu dugun Bilboko Gran Via, zer gertatu da?

Urtero, zuhaitzek beraien ostoak berritzen dituzte, baina udazkenean gertatzen dena oso nabaria da. Azaro aldera, Bilbon kokatutako zuhaitzen hostoak pixkanaka-pixkanaka galtzen doaz. Arrazoi nagusia, urtaro honetan, eguzkitik jasotako argia gutxiagoa delako, erradiazioa indarra galtzen duela eta hotz handia egiten duelako gertatzen da. Hori dela eta, batzuetan hostoen produktibitatea txikiagotzen da.

Zuhaitzari asko kostatzen zaio hosto horiek mantentzea eta ez dio denbora nahikorik hosto berriak sortzeko, beraz galdu egiten ditu, urtaro hau aktibitate txikian edo atsedenean egonik. Gainera aste honetan euri eta haize asko egin du eta horrek, zuhaitzak hosto gehiago galtzea ekarri du.

Orain hosto bat lurrera erortzen ikusten baduzu, jakingo duzu zergatik izango den.

2016(e)ko azaroaren 16(a), asteazkena

Karpin Aventura

Gaurkoan aurkitutako gauza bat erakutsi nahi dizuet.

Irteera ikaragarria egin dugu Karpin Aventurara eta zuetaz oroitu gara. Begira ze topatu dugun animaliak ikusten geunden bitartean, ezaguna egiten zaizue?

Nola ez zaizue ezaguna egingo ezta? Guk behatzen ari garen zuhaitzetako bat, hosto honen antz handia dauka baina ez erratu! Nahiz eta oso antzekoak izan, ez da ala. Gure zuhaitzean, leku beretik bi hosto ateratzen zaizkio baina argazkikoan, hiru ateratzen zaizkio. Galdera zailago bat egingo dizuet oraingoan, badakizue ze izen daukan zuhaitz hori? Intsignis pinua!

Harrigarria ezta? Asko fijatu behar gara, natura harrigarria delako.

Laster arte lagunok!

9. Astea Zuhaitzen Behaketa!

Kaixo denoi!

Aste honetan, pasaden astean bezala eguraldi kaxkarra izaten jarraitu dugu Euskal Herriko hainbat lurraldetan eta hortaz, horrek gure zuhaitzetan eragina izaten duen jakiteko, ikus dezagun gaurko astean ateratako argazkiak!

9. astea (Urkia)
Zuhaitza: Hurrengo urtaroa hurbil dagoela nabari izaten jarraitzen da dagoeneko zuhaitzan.
Hostoak: Hostoak berdeak izaten jarraitzen dira, baina pixkanaka kolorea galtzen jarraitzen dute, zonalde horiak agertuz.
Enborra: astiro- astiro azala galtzen doala ikus dezakegu.
Adarrak: enborrean bezala azala galtzen jarraitzen du gure zuhaitzak. Ikus ditzagun argazkiak!

9.astea (Itsas Pinua)

Zuhaitza: Pasaden astearekin konparatuz, ez du aldaketa nabarmenik jasan.
Hostoak: Gero eta hosto marroi gehiago izaten jarraitzen du eta adar batzuk dagoeneko guztiz biluzik daudela ikus dezakegu.
Enborra: Oso lodia eta ximurrez beteta dago.
Adarrak: Aurreko asteekin konparatuz ez dugu aldaketarik nabarmendu.

2016(e)ko azaroaren 10(a), osteguna

8. Astea Zuhaitzen behaketa

Kaixo denoi:
Aste hau eguraldiaren aldetik oso gogorra izan da eta Euskal Herriko zenbait lekutan elurteak egotera ailegatu dira.
Hori gure zuhaitzetan eraginik izan duela uste duzue? Ikus dezagun!

8. Astea (urkia)
Zuhaitza: Negua hurbil dagoela nabaritzen hasten da, lehengo astearekiko aldaketa nabaria egonez.
Hostoak: Hostoak marroi kolorekoak jartzen hasi zaizkio, argazkian ikus daitekeen bezala. Nahiz eta gehienak oraindik berdeak izan, aldaketa nabaritzen hasten zaio.
Enborra: Ikusten dugu kanpoko geruza galtzen hasia dela, eta barruan beste geruza bat ikusten zaio zuri kolorekoa. Hala ere, hau zati batzuetan bakarrik nabaritzen zaio.
Adarrak: Adarretan ere, antzeko prozesua nabaritzen zaio, azal galtze hori.

8. Astea (Itsas Pinua)
Aste batetik bestera ez da hainbesteko aldaketa nabaritzen, baina lehengo astean ateratako argazkiekin konparatzen badugu, izugarrizko aldaketa izan duela ikus daiteke, goazen ikertzera!
Zuhaitza: Begi bistaz ikusita, nabaritu daiteke goiko aldean askoz ere hosto gehiago dituela.
Hostoak: Geroz eta hosto marroi gehiago ikus daiteke. Gainera, adar asko hostorik gabe gertau dira, gehienbat, geratzen diren hostoak zuhaitzaren goiko aldean kokaturik daude.
Enborra: Oso lodia eta ximurrez betera.
Adarrak: Adar asko ditu, loditxoak eta marroi kolorekoak. Puntu honetan eta aurrekoan ez dugu desberdintasunik nabaritu.

Hau izan da dena, hurrengo astean berriro ere zuekin egongo gara.

2016(e)ko azaroaren 2(a), asteazkena

7. astearen Zuhaitzaren behaketa!

Kaixo laguntxoak!
Hemen gaude beste aste bat, gure zuhaitzak behatzen.
Oraingo honetan aldaketa argiagoak sumatzen hasi gara, goaz ba hauek aztertzera: